زمان، كنت من فصيلة “ستات القطط”، كان عندي 15 قطة كلهم ما عدا اول واحد لقيتهم في الشارع وهم لسه في سن من اسبوع لثلاثة بالكتير! كلهم كانوا فاكريني مامتهم، وأنا بصراحة كنت مصدقاهم. وطبعا الكلب بتاعي ده برضه إنقاذ، وعنده دلوقتي 14 سنة

بعد كده اتعرفت على الحزن عن قرب شوية و حسيت اني “عايزة حيوان أليف جديد”. وهنا بقى حصلت الكارثة! جبت سمك فايتر، وقلت في سري: “إيه يعني؟ دول سمكتين!.. ما كنتش أعرف حاجة اسمها “دورة النيتروجين”. أول كام أسبوع كانوا مهزلة. بس اتعلمت، وبحثت، وبقيت أجيب أحواض أكتر وسمك أكتر، وكل حوض كان بيجي معاه موسوعة أبحاث

رحبت باتنين سلاحف و بعد ما افتكرت ان كده خلاص كفاية، جه كوزمو، ده حرباء أفريقية قمر بس نكدي! علاقتنا كده “حب في كره متبادل”. يتأفف لما أشيله، وبعدين يطلع يقعد على راسي. في دقيقة يقولك “شيل ايدك دي!”، وفي الدقيقة اللي بعدها تلاقيه قاعد على دماغك. قررت اواجه أكبر مخاوفي. التعبان. أنا، الست اللي زمان كانت بتصوت من خرطوم المية في الجنينة! حصل، اللي طول عمري عندي فوبيا من التعبان، اتحديت نفسي ولمست تعبان بجد! كان كينين بوا. كنت بعرق، قلبي كان بيدق مليون دقة في الثانية، كنت حاسة إني عايزة أعيط وأضحك في نفس الوقت… وبعدين الخوف راح، واتبدل بإحساس ذهول. ده كان انتصار، رمز إن حتى في اقسى الظروف، الحياة بتلاقي طريقة تفاجئك

كل ده خلاني ألم معلومات كتير أوي، عملت أبحاث، واتعلمت من ناس في الهواية. ومن هنا المدونة بدأت. قررت أشارك كل اللي أعرفه عشان أساعد أي هاوي تاني يبدأ الرحلة الحلوة دي في تربية الحيوانات الغريبة

. فأهلاً وسهلاً بيكم في 
 Exotastic Earth

قلب هذه المدونة هو مجتمعنا الرائع. وهذا يعني أنت! إذا كنت ترغب في رؤية حيوانك الأليف المميز في معرضنا، فالأمر سهل. اشترك في مدونتنا👆 ثم أرسل الصورة إلى صفحتنا على فيسبوك
Exotastic Earth
أو انشر أفضل صورة أو مقطع فيديو على حسابك على انستغرام. ما عليك سوى الإشارة
إلى حسابنا واستخدام الهاشتاج. لا يمكننا الانتظار لرؤية حيوانك الاليف
#MyExotasticPet #ExotasticEarth @Exotastic.Earth
🦎🐡🐢🕷️🐍